56 · Abba Daniel: el monje que robaba

ⲁϥϫⲟⲟⲥ ⲛ̇ϭⲓ̇ⲁ̇ⲡⲁ ⲇⲁⲛⲓ̇ⲏⲗ ϫⲉⲙ̇ⲡⲉⲟⲩⲟ̇ⲉⲓ̇ϣ ⲉ̇ⲣⲉⲁ̇ⲡⲁ ⲁ̇ⲣⲥⲉⲛⲓ̇ⲟⲥ ϩⲛ̇ϣⲓ̇ⲏⲧ . ⲉ̇ⲛⲉϥⲙ̇ⲙⲁⲩ ⲡⲉ ⲛ̇ϭⲓ̇ⲟⲩⲙⲟⲛⲁⲭⲟⲥ ⲉ̇ϥϩⲱⲃⲧ̇ ⲛ̇ⲛⲉⲥⲕⲉⲩⲏ̇ ⲛⲉⲛϩⲗ̇ⲗⲟ .

Abba Daniel dijo: «En el tiempo en que abba Arsenio estaba en Escete, había allí un monje que robaba los objetos de los ancianos.^✦

ⲁ̇ⲡⲁ ⲁ̇ⲣⲥⲉⲛⲓ̇ⲟⲥ ⲇⲉ ⲉ̇ϥⲟⲩⲱ̇ϣ ⲉ̇ϯ̇ϩⲏⲩ ⲛ̇ⲧⲉϥⲯⲩⲭⲏ ⲁ̇ϥϫⲓ̇ⲧϥ̇ ⲉ̇ϩⲟⲩⲛ ⲉ̇ⲧⲉϥⲣⲓ̇ · ⲁⲩⲱ̇ ⲡⲉϫⲁϥ ⲛⲁϥ ϫⲉⲛ̇ⲕⲁ ⲛⲓ̇ⲙ ⲉ̇ⲧⲉⲕⲟⲩⲁ̇ϣⲟⲩ ϯ̇ⲛⲁⲧⲁ̇ⲁⲩ ⲛⲁⲕ ⲙⲱⲛⲟⲛ ⲙ̇ⲡⲣ̇ϫⲓ̇ⲟⲩⲉ̇ ⲁⲩⲱ̇ ⲁ̇ϥϯ̇ ⲛⲁϥ ⲛ̇ⲭ̇ⲣⲓ̄ⲁ̇ ⲛⲓ̇ⲙ ⲛ̇ⲧⲁϥ .

Abba Arsenio, queriendo ganar su alma, lo llevó a su celda y le dijo: “Todo lo que quieras, te lo daré; solo no robes”. Y le dio todo lo que tenía de necesario.

ⲁ̇ϥⲃⲱⲕ ⲟⲛ̇ ⲁ̇ϥϩⲱⲃⲧ̇ . ⲛ̄ϩⲗ̇ⲗⲟ ⲇⲉ ⲛ̇ⲧⲉⲣⲟⲩⲛⲁⲩ ⲉ̇ⲣⲟϥ ϫⲉⲙ̇ⲡⲉϥⲗⲟ ⲉ̇ϥϩⲱⲃⲧ̇ .

Él se fue y volvió a robar. Los ancianos, al ver que no dejaba de robar,

ⲁ̇ⲩⲡⲱⲧ ⲛ̇ⲥⲱϥ ⲉ̇ⲩϫⲱ ⲙ̇ⲙⲟⲥ ϫⲉⲉ̇ϣⲱⲡⲉ ⲟⲩⲥⲟⲛ ⲡⲉ ⲉ̇ⲁ̇ⲩϭⲛ̇ⲧϥ̇ ⲉ̇ⲩⲛ̇ⲟⲩϣⲱ̇ⲱⲧ ϩⲓ̇ⲱⲱϥ · ⲛ̇ⲧⲉ̇ⲧ̇ⲙⲛⲧ̇ϭⲱⲃ · ϣ̇ϣⲉ ⲉ̇ⲧⲱⲟⲩⲛ̇ ϩⲁⲡⲁⲓ̇ ϣⲁⲛⲧⲉϥϣⲱⲡⲉ ⲛ̇ϫⲱ̇ⲱ̇ⲣⲉ ⲻ

lo expulsaron, diciendo: “Si se encuentra un hermano que tenga alguna falta por debilidad, hay que soportarlo hasta que se haga fuerte.

ⲉϣⲱⲡⲉ ⲇⲉ ⲉ̇ϥϩⲱⲃⲧ̇ ⲁⲩⲱ̇ ⲛ̇ⲥⲉϯ̇ⲥ̇ⲃⲱ ⲛⲁϥ ⲛ̇ϥ̇ⲧⲙ̇ϩⲱ ⲉ̇ⲣⲟϥ ϣ̇ϣⲉ ⲉ̇ⲛⲟϫϥ̇ ⲉ̇ⲃⲟⲗ ϫⲉⲧⲉϥⲯⲩⲭⲏ ϣⲁϥⲧⲁⲕⲟⲥ · ⲁⲩⲱ̇ ⲟⲩⲟ̇ⲛ ⲛⲓ̇ⲙ ⲉ̇ⲧϩⲙ̇ⲡ̇ⲧⲟⲡⲟⲥ ϣⲁϥϣ̇ⲧⲣ̇ⲧⲱⲣⲟⲩ ⲻ

Pero si roba, y se le amonesta y no se contiene, hay que echarlo, porque arruina su propia alma y turba a todos los que están en el lugar”».