102 · Macario y el diablo

ⲉⲣⲉⲁⲡⲁ ⲙⲁⲕⲁⲣⲓ̇ⲟⲥ ⲙⲟⲟ̇ϣⲉ ⲛⲟⲩⲟ̇ⲉⲓ̇ϣ ⲙ̇ⲡ̇ⲕⲱⲧⲉ ⲙⲡ̇ϩⲉⲗⲟⲥ · ⲉ̇ϥⲧⲱⲟⲩⲛ̇ ⲛ̇ϩⲛ̇ⲃⲏⲧ ·

Abba Macario caminaba una vez por los alrededores del pantano, cargando hojas de palma.

ⲁⲩⲱ̇ ⲉⲓ̇ⲥ ⲡ̇ⲇⲓⲁ̇ⲃⲟⲗⲟⲥ ⲁ̇ϥⲧⲱⲙⲛⲧ̇ ⲉⲣⲟϥ ϩⲛ̇ⲧⲉϩⲓ̇ⲏ · ⲉ̇ⲣⲉ̇ⲟⲩⲟ̇ϩⲥ̇ ⲛ̇ⲧⲟⲟ̇ⲧ̇ϥ · ⲁⲩⲱ̇ ⲉ̇ⲛⲉϥⲟⲩⲱ̇ϣ ⲡⲉ ⲉ̇ⲣⲁϩⲧϥ̇ ⲙ̇ⲡⲉϥϣ̇ϭⲙ̇ϭⲟⲙ ·ⲻ

Y he aquí que el diablo le salió al encuentro en el camino con una hoz en la mano; quería herirlo, y no pudo.

ⲁⲩⲱ̇ ⲡⲉϫⲁϥ ⲛⲁϥ ϫⲉⲟⲩⲛⲟϭ ⲡⲉ ⲡⲁϫⲓ̇ⲛϭⲟⲛⲥ ⲉ̇ⲃⲟⲗ ⲙ̇ⲙⲟⲕ · ϫⲉⲙⲛ̇ϭⲟⲙ ⲙ̇ⲙⲟⲓ̇ ⲉ̇ⲣⲟⲕ ⲻ

Y le dijo: «Grande es la violencia que sufro de ti, porque no tengo poder sobre ti.

ⲉⲓ̇ⲥϩⲏⲏ̇ⲧⲉ ⲅⲁⲣ ϩⲱⲃ ⲛⲓ̇ⲙ ⲉ̇ⲧⲉⲕⲉⲓ̇ⲣⲉ ⲙ̇ⲙⲟⲟⲩ ϯ̇ⲉⲓ̇ⲣⲉ ⲙ̇ⲙⲟⲟⲩ ϩⲱ · ⲛ̇ⲧⲟⲕ ϣⲁⲕⲛⲏⲥⲧⲉⲩⲉ ⲛ̇ϩⲛ̇ϩⲟⲟⲩ⳿ · ⲁ̇ⲛⲟⲕ̇ ⲇⲉ ⲙⲉⲓ̇ⲟⲩⲱⲙ ⲉ̇ⲡⲧⲏⲣϥ̇ ·

Mira: todo lo que tú haces, también lo hago yo. Tú ayunas algunos días; yo no como nunca.

ϣⲁⲕⲣ̇ⲟⲩϣⲏ ⲛ̇ⲣⲟⲉⲓ̇ⲥ ⲛ̇ϩⲛⲥⲟⲡ · ⲁ̇ⲛⲟⲕ ⲇⲉ ⲙⲉⲓⲛ̇ⲕⲟⲧⲕ̇ ⲉ̇ⲛⲉϩ ·

Tú velas algunas veces; yo no duermo jamás.

ⲟⲩϩⲱⲃ ⲛⲟⲩⲱ̇ⲧ ⲡⲉⲧⲉⲕϫⲣⲁⲉⲓ̇ⲧ ⲉ̇ⲣⲟⲓ̇ ⲛ̇ϩⲏⲧϥ ⲡⲉϫⲉⲁ̇ⲡⲁ ⲙⲁⲕⲁⲣⲓ̇ⲟⲥ ϫⲉⲟⲩ ⲡⲉ ·

Solo en una cosa me vences». Abba Macario dijo: «¿Cuál es?».

ⲛ̇ⲧⲟϥ ⲇⲉ ⲡⲉϫⲁϥ ϫⲉⲡⲉⲕⲑⲃⲃⲓ̇ⲟ ⲡⲉ · ⲁ̇ⲛⲟⲕ ⲇⲉ ⲙⲉⲓϭⲙ̇ϭⲟⲙ ⲉ̇ⲑ̇ⲃⲃⲓ̇ⲟⲓ̇ ⲉ̇ⲛⲉϩ ⲉⲧⲃⲉⲡⲁⲓ̇ [ⲙ̇]ⲡⲓϭⲙ̇ϭⲟⲙ ⲉ̇ⲣⲟⲕ ·

Él dijo: «Tu humildad. Yo nunca puedo humillarme; por eso no puedo contigo».