157 · Pafnucio y los ladrones

Ⲁⲩϫⲟⲟ̇ⲥ ⲉ̇ⲧⲃⲉⲁ̇ⲡⲁ ⲡⲁ̇ⲡⲛⲟⲩⲧⲉ ϫⲉⲙⲉϥϭⲉⲡⲏ ⲉ̇ⲥⲉⲏ̇ⲣⲡ̇ .ⲻ

Decían de Abba Pafnucio que no bebía vino fácilmente.^✦

Ⲉϥⲙⲟⲟ̇ϣⲉ ⲇⲉ ⲛ̅ⲟⲩⲟⲩⲟ̇ⲉⲓ̇ϣ ⲁϥⲉⲓ̇ ⲉ̇ϫⲛⲟⲩⲕⲟⲗⲗⲩⲕⲓ̇ⲟⲛ ⲛ̇ⲗⲩⲥⲧⲏⲥ ⲁⲩⲱ̇ ⲁ̇ϥϭⲛ̇ⲧⲟⲩ ⲉ̇ⲩⲥⲱ .

Una vez, mientras caminaba, dio con una banda de ladrones, y los encontró bebiendo.

ⲁ̇ϥⲥⲟⲩⲱⲛϥ̇ Ⲇⲉ̇ ⲛ̇ϭⲓ̇ⲡⲉⲧⲟ ⲛⲁ̇ⲛϫⲱϫ ⲁⲩⲱ̇ ⲉ̇ϥ̇ⲥⲟⲟ̇ⲩⲛ̇ ϫⲉ̇ⲙⲉϥⲥⲉⲏ̇ⲣⲡ̇ ·ⲻ

El jefe de ellos lo reconoció, y sabía que no bebía vino.

Ⲁϥⲛⲁⲩ ⲉ̇ⲣⲟϥ ϩⲛ̇ⲟⲩⲛⲟϭ ⲛ̇ϩⲓⲥⲉ ⲁ̇ϥⲙⲟⲩϩ ⲛⲟⲩⲁ̇ⲡⲟⲧ ⲛⲏⲣ̇ⲡ̇ ⲉ̇ⲣⲉ ⲧⲉϥⲥⲏϥⲉ ϩⲛ̇ⲧⲉϥϭⲓ̇ϫ ·

Al verlo muy fatigado, llenó una copa de vino, con la espada en la mano,

ⲁⲩⲱ̇ ⲡⲉϫⲁϥ ⲙ̇ⲡ̇ϩⲗ̇ⲗⲟ ϫⲉⲉ̇ⲕⲧⲙ̇ⲥⲱ ϯ̇ⲛⲁϩⲟⲧⲃⲉⲕ .ⲻ

y dijo al anciano: «Si no bebes, te mato».

Ⲁϥⲉⲓⲙⲉ ⲛ̇ϭⲓ̇ⲡ̇ϩⲗ̇ⲗⲟ ϫⲉⲉ̇ϥⲟⲩⲱ̇ϣ ⲉ̇ⲉⲓ̇ⲣⲉ ⲛⲟⲩⲛ̇ⲧⲟⲗⲏ̇ ⲛ̇ⲧⲉⲡ̇ⲛⲟⲩⲧⲉ ⲉ̇ϥⲟⲩⲱ̇ϣ ⲉ̇ϯ̇ϩⲏⲩ ⲙ̇ⲙⲟϥ ⲁ̇ϥϫⲓ̇ⲧϥ̇ ⲁ̇ϥⲥⲟ̇ⲟϥ̇ .

El anciano comprendió que [el ladrón] quería cumplir un mandamiento de Dios; y, queriendo hacerle bien, tomó [la copa] y la bebió.

Ⲡⲁⲛϫⲱϫ ⲇⲉ ⲛ̇ⲗⲩⲥⲧⲏⲥ ⲁ̇ϥⲙⲉⲧⲁⲛⲟⲓ ⲉ̇ϥϫⲱ ⲙ̇ⲙⲟⲥ ϫⲉⲕⲱ ⲛⲁⲓ̇ ⲉ̇ⲃⲟⲗ ⲡⲁⲉⲓ̇ⲱⲧ ϫⲉⲁⲓ̇ϯ̇ϩⲓ̈ⲥⲉ ⲛⲁⲕ .ⲻ

El jefe de los ladrones se arrepintió, diciendo: «Perdóname, padre mío, porque te he afligido».

Ⲡⲉϫⲁϥ ⲛⲁϥ ⲛ̇ϭⲓ̇ⲡ̇ϩⲗ̇ⲗⲟ ϫⲉϯ̇ⲡⲓⲥⲧⲉⲩⲉ ⲉ̇ⲡⲛⲟⲩⲧⲉ ϫⲉϥ̇ⲛⲁⲉⲓ̇ⲣⲉ ⲛⲁⲕ ⲛⲟⲩⲛⲁ ⲉ̇ⲧⲃⲉⲡⲉⲓⲁ̇ⲡⲟⲧ ⲛⲏⲣⲡ̇ ϩⲙ̇ⲡⲉⲓ̇ⲱ̇ⲛϩ̇ ⲙⲛⲡⲉⲧⲛⲏⲩ .

El anciano le dijo: «Confío en Dios que, por esta copa de vino, tendrá misericordia de ti en esta vida y en la venidera».

Ⲡⲉϫⲁϥ ⲛⲁϥ ⲛ̇ϭⲓ̇ⲡⲁⲣⲭⲏⲗⲏⲥⲧⲏⲥ ϫⲉϯⲡⲓ̇ⲥⲧⲉⲩⲉ̇ ⲉ̇ⲡⲛⲟⲩⲧⲉ ϫⲉϫⲓ̇ⲛⲧⲉⲛⲟⲩ ⲛ̇ϯ̇ⲛⲁⲣ̇ ⲡⲉⲑⲟⲟⲩ ⲁ̇ⲛ ⲛ̇ⲗⲁⲁⲩ .

El jefe de los ladrones le dijo: «Confío en Dios que desde ahora no haré mal a nadie».

Ⲡϩⲗ̇ⲗⲟ ⲇⲉ ⲁ̇ϥϫⲡⲟ ⲛⲁϥ ⲛ̇ⲧ̇ⲕⲟⲗⲗⲩϭⲉ ⲧⲏ̇ⲣⲥ̇ ϫⲉⲁ̇ϥⲕⲱ ⲛ̇ⲥⲱϥ ⲙ̇ⲡⲉϥⲟⲩⲱ̇ϣ ⲉ̇ⲧ̇ⲃⲉⲡ̇ⲛⲟⲩⲧⲉ .ⲻ

Y el anciano ganó a toda la banda, porque había renunciado a su voluntad por causa de Dios.