Libro II (Caps. 81–83): El retorno triunfal de Pistis Sophia al decimotercer eón, su último himno, la exégesis de Felipe y la pregunta de María Magdalena

[□Ⲍ] ⲁϥⲟⲩⲱϩ ⲟⲛ ⲉ ⲧⲟⲟⲧϥ̅ ϩⲙ̅ ⲡϣⲁϫⲉ ⲛ̅ϭⲓ ⲓ̅ⲥ̅ ⲡⲉϫⲁϥ ⲛ̅ ⲛⲉϥⲙⲁⲑⲏⲧⲏⲥ ϫⲉ ⲁⲥϣⲱⲡⲉ ϭⲉ ⲙⲛ̅ⲛ̅ⲥⲁ ⲛⲁⲓ̈ ⲧⲏⲣⲟⲩ ⲁⲓ̈ϥⲓ ⲛ̅ ⲧⲡⲓⲥⲧⲓⲥ ⲥⲟⲫⲓⲁ ⲁⲓ̈ⲛ̅ⲧⲥ̅ ⲉ ϩⲟⲩⲛ ⲉ ⲡⲙⲉϩ ⲙⲛ̅ⲧϣⲟⲙⲧⲉ ⲛ̅ ⲁⲓⲱⲛ ⲉⲓ̈ⲟ ⲛ̅ ⲟⲩⲟⲓ̈ⲛ ⲉⲙⲁϣⲟ ⲉⲙⲁϣⲟ· ⲉ ⲙⲛ̅ ϣⲓ ⲉ ⲡⲟⲩⲟⲉⲓⲛ ⲉ ⲛⲉϥϣⲟⲟⲡ ⲙ̅ⲙⲟⲓ̈ ⲁⲓ̈ⲉⲓ̅ ⲉ ϩⲟⲩⲛ ⲉ ⲡⲧⲟⲡⲟⲥ ⲙ̅ ⲡⲙⲉϩ ϫⲟⲩⲧⲁϥⲧⲉ ⲛ̅ ⲁϩⲟⲣⲁⲧⲟⲥ ⲉⲓ̈ⲟ ⲛ̅ ⲟⲩⲟⲉⲓⲛ ⲉⲙⲁϣⲟ ⲉⲙⲁϣⲟ· ⲁⲩⲱ ⲁⲩϣⲧⲟⲣⲧⲣ̅ ϩⲛ̅ ⲟⲩ ⲛⲟϭ ⲛ̅ ϣⲧⲟⲣⲧⲣ̅ ⲁⲩϭⲱϣⲧ̅ ⲁⲩ‐ [ⲣ̅ⲝ̅ⲉ̅.ⲁ.] ⲛⲁⲩ ⲉ ⲧⲥⲟⲫⲓⲁ ⲁ ⲛⲉⲥ ⲛⲙ̅ⲙⲁⲓ̈ ⲁⲩⲥⲟⲩⲱⲛⲥ̅ ⲁⲛⲟⲕ

Prosiguió de nuevo en el discurso Jesús y dijo a sus discípulos: «Aconteció, pues, después de todas estas cosas, que tomé a Pistis Sophia y la conduje al decimotercer eón, brillando yo sobremanera, sin que hubiera medida para la luz que había en mí. Entré en la región de los Veinticuatro Invisibles brillando sobremanera, y ellos cayeron en una gran turbación; miraron y [f. 165a] vieron a Sophia que estaba conmigo, y la reconocieron a ella, mas a mí

ⲇⲉ ⲙ̅ⲡⲟⲩⲥⲟⲩⲱⲛⲧ̅ ϫⲉ ⲁⲛⲟⲕ ⲛⲓⲙ· ⲁⲗⲗⲁ ⲛⲉⲩⲙⲉ‐ ⲉⲩⲉ ⲉ ⲣⲟⲓ̈ ⲡⲉ ⲛ̅ ⲑⲉ ⲛ̅ ⲟⲩ ⲡⲣⲟⲃⲟⲗⲏ ⲛ̅ⲧⲉ ⲡⲕⲁϩ ⲏ̇ ⲡⲟⲩⲟⲉⲓⲛ· ⲁⲥϣⲱⲡⲉ ϭⲉ ⲛ̅ⲧⲉⲣⲉ ⲧⲥⲟⲫⲓⲁ ⲛⲁⲩ ⲉ ⲛⲉⲥϣⲃⲉⲉⲣ ⲛ̅ ⲁϩⲟⲣⲁⲧⲟⲥ. ⲁⲥⲣⲁϣⲉ ϩⲛ̅ ⲟⲩ ⲛⲟϭ ⲛ̅ ⲣⲁϣⲉ· ⲁⲩⲱ ⲁⲥⲣⲉⲗⲏⲗ ⲉⲙⲁϣⲟ· ⲁⲥⲟⲩⲱϣ ⲉ ⲧⲁ‐ ⲙⲟⲟⲩ □□□□ ⲉ ⲛⲉ ϣⲡⲏⲣⲉ ⲉⲛⲧ ⲁⲓ̈ⲁⲁⲩ ⲛⲙ̅ⲙⲁⲥ ⲙ̅ ⲡⲉⲥⲏⲧ ϩⲙ̅ ⲡⲕⲁϩ ⲛ̅ⲧⲉ ⲧⲙⲛ̅ⲧⲣⲱⲙⲉ ϩⲉⲱⲥ ϣⲁⲛϯ‐ ⲛⲟⲩϩⲙ̅ ⲙ̅ⲙⲟⲥ. ⲁⲥⲉⲓ̅ ⲉ ϩⲣⲁⲓ̈ ⲉ ⲧⲙⲏⲧⲉ ⲛ̅ ⲛ

no me reconocieron, quién era yo, sino que me consideraban como una emanación de la tierra de la Luz. Y aconteció que, cuando Sophia vio a sus compañeros los Invisibles, se regocijó con gran alegría y exultó sobremanera, y quiso anunciarles las maravillas que yo había hecho con ella abajo, en la tierra de la humanidad, hasta salvarla. Subió en medio de los^✦

ⲁϩⲟⲣⲁⲧⲟⲥ ⲁⲥϩⲩⲙⲛⲉⲩⲉ ⲉ ⲣⲟⲓ̈ ϩⲛ̅ ⲧⲉⲩⲙⲏⲧⲉ ⲉⲥϫⲱ ⲙ̅ⲙⲟⲥ ϫⲉ ϯⲛⲁⲟⲩⲱⲛϩ̅ ⲛⲁⲕ ⲉⲃⲟⲗ ⲡⲟⲩⲟⲉⲓⲛ ϫⲉ ⲛ̅ⲧⲕ̅ ⲟⲩ ⲥⲱⲧⲏⲣ·ⲁⲩⲱ ⲛ̅ⲧⲕ̅ ⲟⲩ ⲣⲉϥⲥⲱⲧⲉ ⲛ̅ ⲟⲩⲟⲉⲓϣ ⲛⲓⲙ· ϯⲛⲁϫⲱ ⲙ̅ ⲡⲉⲓ̈ ϩⲩⲙⲛⲟⲥ ⲉ ⲡⲟⲩⲟⲉⲓⲛ ϫⲉ ⲁϥ‐ ⲛⲟⲩϩⲙ̅ ⲙ̅ⲙⲟⲓ̈· ⲁⲩⲱ ⲁϥⲛⲁϩⲙⲉⲧ ⲉⲃⲟⲗ ϩⲛ̅ ⲧϭⲓϫ ⲛ̅ ⲛ̅ ⲁⲣⲭⲱⲛ ⲛ̅ ⲛⲁϫⲓϫⲉⲉⲩ. ⲁⲩⲱ ⲁⲕⲛⲁϩⲙⲉⲧ ϩⲛ̅ ⲛ̅ [ⲣ̅ⲝ̅ⲉ̅.ⲃ.] ⲧⲟⲡⲟⲥ ⲧⲏⲣⲟⲩ· ⲁⲩⲱ ⲁⲕⲛⲁϩⲙⲉⲧ ϩⲙ̅ ⲡϫⲓⲥⲉ ⲙⲛ̅ ⲡϩ̅ⲃ̅ⲃⲉ ⲛ̅ⲧⲉ ⲛⲉ ⲭⲁⲟⲥ· ⲁⲩⲱ ϩⲛ̅ ⲁⲓⲱⲛ ⲛ̅ ⲛ ⲁⲣⲭⲱⲛ

Invisibles y me cantó himnos en medio de ellos diciendo: "Te confesaré [alabaré], oh Luz, porque tú eres Salvador y eres Redentor en todo tiempo. Pronunciaré este himno a la Luz, porque me ha salvado y me ha librado de la mano de los arcontes, mis enemigos. Y tú me has salvado en [f. 165b] todas las regiones: me has salvado en la altura y en la hondura de los Caos, y en los eones de los arcontes

ⲛ̅ⲧⲉ ⲧⲉ ⲥⲫⲉⲣⲁ· ⲁⲩⲱ ⲛ̅ⲧⲉⲣⲓⲉⲓ̅ ⲉⲃⲟⲗ ϩⲙ̅ ⲡϫⲓⲥⲉ· ⲁⲓ̈ⲥⲱⲣⲙ̅ ϩⲛ̅ ϩⲉⲛ ⲧⲟⲡⲟⲥ ⲉ ⲙ̅ⲛ ⲟⲩⲟⲉⲓⲛ ⲛ̅ ϩⲏⲧⲟⲩ· ⲙ̅ⲡⲓⲉϣ ⲕⲟⲧ̅ⲧ ⲉ ⲡⲙⲁϩ ⲙⲛ̅ⲧϣⲟⲙⲧⲉ ⲛ̅ ⲁⲓⲱⲛ ⲡⲁⲙⲁ ⲛ ϣⲱⲡⲉ ϫⲉ ⲙⲛ̅ ⲟⲩⲟⲉⲓⲛ ⲛ̅ ϩⲏⲧ· ⲟⲩⲧⲉ ϭⲟⲙ· ⲁ ⲧⲁϭⲟⲙ ⲙⲟⲩⲕ ⲉ ⲡⲧⲏⲣϥ̅· ⲁⲩⲱ ⲁ ⲡⲟⲩⲟⲉⲓⲛ ⲛⲁϩⲙⲉⲧ ϩⲛ̅ ⲛⲁⲑⲗⲓⲯⲓⲥ ⲧⲏⲣⲟⲩ ⲁⲓ̈ϩⲩⲙⲛⲉⲩⲉ ⲉ ϩⲣⲁⲓ̈ ⲉ ⲡⲟⲩ‐ ⲟⲓ̈ⲛ· ⲁϥⲥⲱⲧⲙ̅ ⲉ ⲣⲟⲓ̈ ⲛ̅ⲧⲉⲣⲟⲩⲑⲗⲓⲃⲉ ⲙ̅ⲙⲟⲓ̈ ⲁϥϫⲓ ⲙⲟⲉⲓⲧ ϩⲏⲧ ϩⲙ̅ ⲡⲥⲱⲛⲧ̅ ⲛ̅ⲧⲉ ⲛ ⲁⲓⲱⲛ ⲉ ⲧⲣⲉϥ ⲛ̅ⲧ ⲉ ϩⲣⲁⲓ̈ ⲉ ⲡⲙⲉϩ ⲙⲛ̅ⲧϣⲟⲙⲧⲉ ⲛ ⲁⲓⲱⲛ ⲡⲁⲙⲁ ⲛ̅ ϣⲱⲡⲉ·

de la esfera. Y cuando salí de la altura, erré por regiones en las que no hay luz, y no pude volver al decimotercer eón, mi morada, porque no había en mí luz ni potencia; mi potencia se había agotado por completo. Y la Luz me salvó en todas mis aflicciones; canté himnos hacia la Luz, y ella me escuchó cuando yo era atribulada; me guio por la creación de los eones para llevarme arriba al decimotercer eón, mi morada.

ϯⲛⲁⲟⲩⲱⲛϩ̅ ⲛⲁⲕ ⲉⲃⲟⲗ ⲡⲟⲩⲟⲉⲓⲛ ϫⲉ ⲁⲕⲛⲁϩⲙⲉⲧ· ⲁⲩⲱ ⲛⲉⲕϣⲡⲏⲣⲉ ϩⲙ̅ ⲡⲅⲉⲛⲟⲥ ⲛ̅ⲧⲉ ⲧⲙⲛ̅ⲧⲣⲱⲙⲉ· ⲛ̅‐ [ⲣ̅ⲝ̅ⲋ̅.ⲁ.] ⲧⲉⲣⲓϣⲱⲱⲧ ⲛ̅ ⲧⲁϭⲟⲙ ⲁⲕϯ ϭⲟⲙ ⲛⲁⲓ̈· ⲁⲩⲱ ⲛ̅ⲧⲉ‐ ⲣⲓϣⲱⲱⲧ ⲙ̅ ⲡⲁⲟⲩⲟⲉⲓⲛ ⲁⲕⲙⲁϩⲧ̅ ⲛ̅ ⲟⲩⲟⲉⲓⲛ ⲉϥⲥⲟⲧϥ̅· ⲁⲓ̈ϣⲱⲡⲉ ϩⲙ̅ ⲡⲕⲁⲕⲉ ⲙⲛ̅ ⲑⲁⲓ̈ⲃⲉⲥ ⲛ̅ⲧⲉ ⲡⲉ ⲭⲁⲟⲥ· ⲉⲓ̈ⲙⲏⲣ ϩⲛ̅ ⲙ̅ ⲙⲣ̅ⲣⲉ ⲉⲩⲛⲁϣⲧ̅ ⲛ̅ⲧⲉ ⲡⲉ ⲭⲁⲟⲥ ⲉ ⲙⲛ̅ ⲟⲩⲟⲓ̈ⲛ ⲛ̅ ϩⲏⲧ· ϫⲉ ⲁⲓ̈ϯ ⲛⲟⲩϭⲥ̅ ⲙ̅ ⲡⲧⲱϣ ⲙ̅ ⲡⲟⲩ‐ ⲟⲉⲓⲛ ⲁⲓ̈ⲡⲁⲣⲁⲃⲁ· ⲁⲩⲱ ⲁⲓ̈ϯ ϭⲱⲛⲧ̅ ⲙ̅ ⲡⲧⲱϣ ⲙ̅

Te confesaré, oh Luz, porque me has salvado, y tus maravillas están en el linaje de la humanidad. [f. 166a] Cuando carecí de mi potencia, tú me diste potencia; y cuando carecí de mi luz, tú me llenaste de luz purificada. Estuve en la tiniebla y en la sombra del Caos, atada con las duras cadenas del Caos, sin que hubiera luz en mí, porque provoqué el precepto de la Luz y transgredí, e irrité al precepto de

ⲡⲟⲩⲟⲉⲓⲛ ϫⲉ ⲁⲓ̈ⲉⲓ̅ ⲉⲃⲟⲗ ϩⲙ̅ ⲡⲁⲧⲟⲡⲟⲥ· ⲁⲩⲱ ⲛ̅ⲧⲉ‐ ⲣⲓⲉⲓ̅ ⲉ ⲡⲉⲥⲏⲧ. ⲁⲓ̈ϣⲱⲱⲧ ⲛ̅ ⲧⲁϭⲟⲙ· ⲁⲩⲱ ⲁⲓ̈ⲣ̅ ⲁⲧ‐ ⲟⲩⲟⲉⲓⲛ· ⲁⲩⲱ ⲛⲉ ⲙ̅ⲡⲉ ⲗⲁⲁⲩ ⲃⲟⲏⲑⲓ ⲉ ⲣⲟⲓ̈ ⲡⲉ· ⲁⲩⲱ ϩⲙ̅ ⲡⲧⲣⲉⲩ ⲑⲗⲓⲃⲉ ⲙ̅ⲙⲟⲓ̈· ⲁⲓ̈ϩⲩⲙⲛⲉⲩⲉ ⲉ ϩⲣⲁⲓ̈ ⲉ ⲡⲟⲩⲟⲉⲓⲛ ⲁⲩⲱ ⲁϥⲛⲁϩⲙⲉⲧ ⲉⲃⲟⲗ ϩⲛ̅ ⲛⲁⲑⲗⲓⲯⲓⲥ ⲧⲏⲣⲟⲩ· ⲁⲩⲱ ⲟⲛ ⲁϥⲥⲱⲗⲡ̅ ⲛ̅ ⲛⲁⲙⲣ̅ⲣⲉ ⲧⲏⲣⲟⲩ· ⲁϥⲛⲧ̅ ⲉ ϩⲣⲁⲓ̈ ϩⲙ̅ ⲡⲕⲁⲕⲉ ⲙⲛ̅ ⲡϩⲟϫϩ̅ϫ ⲛ̅ⲧⲉ ⲡⲉ [ⲣ̅ⲝ̅ⲋ̅.ⲃ.] ⲭⲁⲟⲥ· ϯⲛⲁⲟⲩⲱⲛϩ̅ ⲛⲁⲕ ⲉⲃⲟⲗ ⲡⲟⲩⲟⲉⲓⲛ ϫⲉ ⲁⲕ‐ ⲛⲁϩⲙⲉⲧ ⲁⲩⲱ ⲁ ⲛⲉⲕϣⲡⲏⲣⲉ ϣⲱⲡⲉ ϩⲙ̅ ⲡⲅⲉⲛⲟⲥ ⲛ̅ⲧⲉ ⲧⲙ̅ⲛ̅ⲧ̅ⲣⲱⲙⲉ ⲁⲩⲱ ⲁⲕⲟⲩⲱϭⲡ̅ ⲛ̅ ⲙ̅ ⲡⲩⲗⲏ ⲉⲧ ϫⲟⲥⲉ ⲛ̅ⲧⲉ ⲡⲕⲁⲕⲉ. ⲁⲩⲱ ⲙⲛ̅ ⲙ̅ ⲙⲟⲭⲗⲟⲥ ⲉⲧ ⲛⲁϣⲧ̅ ⲛ̅ⲧⲉ

la Luz porque salí de mi región. Y cuando descendí, carecí de mi potencia y quedé sin luz, y nadie me auxilió. Y mientras me atribulaban, canté himnos hacia la Luz, y ella me salvó de todas mis aflicciones, y rompió también todas mis cadenas, y me sacó de la tiniebla y de la opresión del [f. 166b] Caos. Te confesaré, oh Luz, porque me has salvado, y tus maravillas se han realizado en el linaje de la humanidad. Y has quebrantado las altas puertas de la tiniebla y los duros cerrojos del

ⲡⲉ ⲭⲁⲟⲥ· ⲁⲩⲱ ⲁⲕⲧⲣⲁ ⲣⲁⲕⲧ̅ ⲉⲃⲟⲗ ⲙ̅ ⲡⲧⲟⲡⲟⲥ ⲉⲛⲧ ⲁⲓ̈ⲡⲁⲣⲁ □□ ⲃⲁ ⲛ̅ ϩⲏⲧϥ̅ ⲁⲩⲱ ⲟⲛ ⲛ̅ⲧ ⲁⲩϥⲓ ⲛ̅ ⲧⲁϭⲟⲙ ϫⲉ ⲁⲓ̈ⲡⲁⲣⲁⲃⲁ· ⲁⲩⲱ ⲁⲓ̈ⲗⲟ ϩⲛ̅ ⲙ̅ ⲙⲩⲥⲧⲏ‐ ⲣⲓⲟⲛ· ⲁⲓ̈ⲉⲓ̅ ⲉ ϩⲣⲁⲓ̈ ϩⲛ̅ ⲙ̅ ⲡⲩⲗⲏ ⲙ̅ ⲡⲉ ⲭⲁⲟⲥ· ⲁⲩⲱ ⲛ̅ⲧⲉⲣⲟⲩⲑⲗⲓⲃⲉ ⲙ̅ⲙⲟⲓ̈· ⲁⲓ̈ϩⲩⲙⲛⲉⲩⲉ ⲉ ϩⲣⲁⲓ̈ ⲉ ⲡⲟⲩ‐ ⲟⲉⲓⲛ ⲁϥⲛⲁϩⲙⲉⲧ ⲉⲃⲟⲗ ϩⲛ̅ ⲛⲁⲑⲗⲓⲯⲓⲥ ⲧⲏⲣⲟⲩ· ⲁⲕⲧⲛ̅‐ ⲛⲟⲟⲩ ⲛ̅ ⲧⲉⲕⲁⲡⲟϩⲣⲟⲓⲁ ⲁⲥϯ ϭⲟⲙ ⲛⲁⲓ̈ ⲁⲩⲱ ⲁⲥⲛⲁϩ‐ ⲙⲉⲧ ⲉⲃⲟⲗ ϩⲛ̅ ⲛⲁϩⲟϫϩϫ̅ ⲧⲏⲣⲟⲩ· ϯⲛⲁⲟⲩⲱⲛϩ̅ ⲛⲁⲕ

Caos, y me hiciste apartarme de la región en la que había transgredido y me habían quitado mi potencia por haber transgredido; y dejé de realizar los misterios y descendí a las puertas del Caos. Y cuando me atribulaban, canté himnos hacia la Luz, y ella me salvó de todas mis aflicciones; enviaste tu emanación [aporroia], y ella me dio potencia y me libró de todas mis opresiones. Te confesaré,

ⲉⲃⲟⲗ ⲡⲟⲩⲟⲉⲓⲛ ϫⲉ ⲁⲕⲛⲁϩⲙⲉⲧ· ⲁⲩⲱ ⲛⲉⲕϣⲡⲏⲣⲉ [ⲣ̅ⲝ̅ⲍ̅.ⲁ.] ϩⲙ̅ ⲡⲅⲉⲛⲟⲥ ⲛ̅ⲧⲉ ⲧⲙⲛ̅ⲧⲣⲱⲙⲉ: ⲡⲁⲓ̈ ϭⲉ ⲡⲉ ⲡϩⲩⲙⲛⲟⲥ ⲉⲛⲧ ⲁⲥϫⲟⲟϥ ⲛ̅ϭⲓ ⲧⲡⲓⲥⲧⲓⲥ ⲥⲟⲫⲓⲁ ⲉⲥ ϩⲛ̅ ⲧⲙⲏⲧⲉ ⲙ̅ ⲡϫⲟⲩⲧⲁϥⲧⲉ ⲛ̅ ⲁϩⲟⲣⲁⲧⲟⲥ ⲉⲥⲟⲩⲱϣ ⲉ ⲧⲣⲉⲩ ⲉⲓⲙⲉ ⲧ̇ⲏ̇ⲣ̇ⲟ̇ⲩ̇ ⲉ ⲛⲉ ϣⲡⲏⲣⲉ ⲧⲏⲣⲟⲩ ⲉⲛⲧ ⲁⲓ̈ⲁⲁⲩ ⲛⲙ̅ⲙⲁⲥ· ⲁⲩⲱ ⲉⲥⲟⲩⲱϣ ⲉ ⲧⲣⲉⲩ ⲉⲓⲙⲉ ϫⲉ ⲁⲓ̈ⲃⲱⲕ ⲉ ⲡⲕⲟⲥⲙⲟⲥ ⲛ̅ⲧⲉ ⲧⲙ̅ⲛⲧⲣⲱⲙⲉ ⲁⲓ̈ϯ ⲛⲁⲩ ⲛ̅ ⲙ̅ ⲙⲩⲥⲧⲏⲣⲓⲟⲛ ⲙ̅ ⲡϫⲓⲥⲉ· ⲧⲉ ⲛⲟⲩ ϭⲉ ⲡⲉⲧ ϫⲟⲥⲉ ϩⲙ̅ ⲡⲉϥⲛⲟⲏⲙⲁ ⲙⲁ‐ ⲣⲉϥ ⲉⲓ̅ ⲉ ⲑⲏ ⲛϥ̅ϫⲱ ⲙ̅ ⲃⲱⲗ ⲉⲃⲟⲗ ⲙ̅ ⲡϩⲩⲙⲛⲟⲥ ⲉⲛⲧ ⲁⲥϫⲟⲟϥ ⲛ̅ϭⲓ ⲧⲥⲟⲫⲓⲁ ⲁⲥϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲟⲩⲱ ⲉϥϫⲱ ⲛ̅ ⲛⲉⲓ̈ ϣⲁϫⲉ. ⲁϥⲉⲓ̅ ⲉ ⲑⲏ ⲛ̅ϭⲓ ⲫⲓⲗⲓⲡ‐ ⲡⲟⲥ ⲡⲉϫⲁϥ ϫⲉ ⲓ̅ⲥ̅ ⲡⲁϫⲟⲉⲓⲥ· ϥϫⲟⲥⲉ ⲛ̅ϭⲓ ⲡⲁⲛⲟⲏⲙⲁ·

oh Luz, porque me has salvado, y tus maravillas [f. 167a] están en el linaje de la humanidad". Este es, pues, el himno que pronunció Pistis Sophia estando en medio de los Veinticuatro Invisibles, queriendo que todos ellos conocieran todas las maravillas que yo había hecho con ella, y queriendo que supieran que yo había ido al mundo de la humanidad y les había dado los misterios de la altura. Ahora pues, el que se haya elevado en su pensamiento [nóema], que se adelante y diga la interpretación del himno que pronunció Sophia». Y aconteció que, cuando Jesús terminó de decir estas palabras, se adelantó Felipe y dijo: «Jesús, Señor mío, mi pensamiento se ha elevado,^✦

ⲁⲩⲱ ⲁⲓ̈ⲛⲟⲓ̅ ⲙ̅ ⲡⲃⲱⲗ ⲉⲃⲟⲗ ⲙ̅ ⲡϩⲩⲙⲛⲟⲥ ⲛ̅ⲧ ⲁⲥ‐ ϫⲟⲟϥ ⲛ̅ϭⲓ ⲧⲥⲟⲫⲓⲁ ⲛ̅ⲧ ⲁϥⲡⲣⲟⲫⲏⲧⲉⲩⲉ ⲟⲛ ϩⲁ ⲣⲟⲥ [ⲣ̅ⲝ̅ⲍ̅.ⲃ.] ⲙ̅ ⲡⲓ ⲟⲩⲟⲓ̈ϣ ⲛ̅ϭⲓ ⲇⲩⲉⲓⲇ ⲡⲉ ⲡⲣⲟⲫⲏⲧⲏⲥ ⲉϥϫⲱ ⲙ̅ⲙⲟⲥ ϩⲙ̅ ⲡⲙⲉϩ ϣⲉ ⲥⲟⲟⲩ ⲙ̅ ⲯⲁⲗⲙⲟⲥ· ϫⲉ ⲟⲩ‐ ⲱⲛϩ̅ ⲉⲃⲟⲗ ⲙ̅ ⲡϫⲟⲉⲓⲥ ϫⲉ ⲟⲩ ⲭⲣⲏⲥⲧⲟⲥ ⲡⲉ ϫⲉ ⲟⲩ ϣⲁ ⲉⲛⲉϩ ⲡⲉ ⲡⲉϥⲛⲁ̅· ⲙⲁⲣⲉ ⲛⲉⲛⲧ ⲁ ⲡϫⲟⲉⲓⲥ ⲥⲟⲧⲟⲩ ϫⲉ ⲡⲁⲓ̈ ⲡⲉ ⲁϥⲥⲟⲧⲟⲩ ⲉⲃⲟⲗ ϩⲛ̅ ⲧϭⲓϫ ⲛ̅ ⲛⲉⲩϫⲁϫⲉ· ⲁϥⲥⲟⲟⲩϩⲟⲩ ⲉ ϩⲟⲩⲛ ϩⲛ̅ ⲛⲉⲩⲭⲱⲣⲁ ⲉⲃⲟⲗ ϩⲙ̅ ⲡⲉⲓ̈ⲃⲧ̅ ⲙⲛ̅ ⲡⲉⲙⲛ̅ⲧ ⲙⲛ̅ ⲡⲉⲙϩⲓⲧ· ⲙⲛ̅ ⲑⲁⲗⲁⲥⲥⲁ ⲁⲩⲡⲗⲁⲛⲁ

y he comprendido la interpretación del himno que pronunció Sophia, acerca del cual profetizó también [f. 167b] en otro tiempo el profeta David diciendo en el Salmo ciento seis: "Confiesen [alaben] al Señor, porque es bueno [chrestós], porque para siempre es su misericordia. Digan esto los redimidos por el Señor, a quienes él redimió de la mano de sus enemigos y los congregó de sus tierras, del oriente y del occidente y del norte y del mar. Erraron^✦

ϩⲓ ⲡϫⲁⲓ̈ⲉ ϩⲛ̅ ⲟⲩ ⲙⲁ ⲉ ⲙⲛ̅ ⲙⲟⲟⲩ ⲛ̅ ϩⲏⲧϥ̅· ⲙ̅‐ ⲡⲟⲩϭⲛ̅ ⲧⲉ ϩⲓⲏ ⲛ̅ ⲧⲡⲟⲗⲓⲥ ⲙ̅ ⲡⲉⲩⲙⲁ ⲛ̅ ϣⲱⲡⲉ· ⲉⲩ‐ ϩⲕⲁⲉⲓⲧ· ⲉⲩⲟⲃⲉ ⲁ ⲧⲉⲩⲯⲩⲭⲏ ⲱϫⲛ̅ ⲛ̅ ϩⲏⲧⲟⲩ· ⲁϥ‐ ⲛⲁϩⲙⲟⲩ ⲉⲃⲟⲗ ϩⲛ̅ ⲛⲉⲩⲁⲛⲁⲅⲕⲏ· ⲁⲩϫⲓ ϣⲕⲁⲕ ⲉ ϩⲣⲁⲓ̈ ⲉ ⲡϫⲟⲉⲓⲥ ⲁϥⲥⲱⲧⲙ̅ ⲉ ⲣⲟⲟⲩ ϩⲙ̅ ⲡⲧⲣⲉⲩ ϩⲱϣ· ⲁϥⲁϥϫⲓ ⲙⲟⲉⲓⲧ ϩⲏⲧⲟⲩ. ⲉⲩ ϩⲓⲏ ⲉⲥⲥⲟⲩⲧⲱⲛ ⲉ ⲧⲣⲉⲩ [ⲣ̅ⲝ̅ⲏ̅.ⲁ.] ⲃⲱⲕ ⲉ ϩⲣⲁⲓ̈ ⲉ ⲡⲧⲟⲡⲟⲥ ⲙ̅ ⲡⲉⲩⲙⲁ ⲛ̅ ϣⲱⲡⲉ· ⲙⲁ‐ ⲣⲟⲩ ⲟⲩⲱⲛϩ̅ ⲉⲃⲟⲗ ⲙ̅ ⲡϫⲟⲉⲓⲥ ϩⲛ̅ ⲛⲉϥⲛⲁ̅· ⲁⲩⲱ

por el desierto, en un lugar sin agua; no hallaron el camino de la ciudad de su morada; hambrientos y sedientos, su alma desfallecía en ellos. Y él los libró de sus angustias: clamaron al Señor y él los escuchó cuando estaban atribulados, y los guio por camino recto para que [f. 168a] fueran a la región de su morada. Confiesen al Señor por sus misericordias y

ⲛⲉϥϣⲡⲏⲣⲉ ϩⲛ̅ ⲛ̅ ϣⲏⲣⲉ ⲛ̅ ⲛ̅ ⲣⲱⲙⲉ ϫⲉ ⲁϥⲧⲥⲓⲟ ⲛ̅ ⲟⲩ ⲯⲩⲭⲏ ⲉⲥϩⲕⲁⲓ̈ⲧ ⲟⲩ ⲯⲩⲭⲏ ⲉⲥϩⲕⲁⲓ̈ⲧ ⲁϥⲙⲁϩⲥ̅ ⲛ̅ ⲁⲅⲁⲑⲟⲛ ⲛⲉⲧ ϩⲙⲟⲟⲥ ϩⲙ̅ ⲡⲕⲁⲕⲉ ⲙⲛ̅ ⲑⲁⲓ̈ⲃⲉⲥ ⲙ̅ ⲡⲙⲟⲩ ⲛⲉⲧ ⲙⲏⲣ ϩⲛ̅ ⲟⲩ ⲙⲛ̅ⲧϩⲏⲕⲉ ⲙⲛ̅ ⲡ̅ⲡⲉⲛⲓⲡⲉ ϫⲉ ⲁϥϯ ⲛⲟⲩϭⲥ̅ ⲙ̅ ⲡϣⲁϫⲉ ⲙ̅ ⲡⲛⲟⲩⲧⲉ ⲁⲩϯ ϭⲱⲛⲧ̅ ⲙ̅ ⲡϣⲟϫⲛⲉ ⲙ̅ ⲡⲉⲧ ϫⲟⲥⲉ· ⲁ ⲡⲉⲩϩⲏⲧ ⲑⲃ̅ⲃⲓⲟ ϩⲛ̅ ⲛⲉⲩ‐ ϩⲓⲥⲉ· ⲁⲩⲣ̅ ϭⲱⲃ̅· ⲁⲩⲱ ⲙⲛ̅ ⲡⲉⲧ ⲃⲟⲏⲑⲓ ⲉ ⲣⲟⲟⲩ· ⲁⲩϫⲓ ϣⲕⲁⲕ ⲉ ϩⲣⲁⲓ̈ ⲉ ⲡϫⲟⲉⲓⲥ ϩⲙ̅ ⲡⲧⲣⲉⲩ ϩⲱϣ ⲁϥⲛⲁϩⲙⲟⲩ ⲉⲃⲟⲗ ϩⲛ̅ ⲛⲉⲩⲁⲛⲁⲅⲕⲏ ⲁϥⲛ̅ⲧⲟⲩ ⲉⲃⲟⲗ ϩⲙ̅ ⲡⲕⲁⲕⲉ ⲙⲛ̅ ⲑⲁⲓ̈ⲃⲉⲥ ⲙ̅ ⲡⲙⲟⲩ ⲁⲩⲱ ⲁϥⲥⲱⲗⲡ̅ ⲛ̅ ⲛⲉⲩⲙⲣ̅ⲣⲉ· ⲙⲁⲣⲟⲩ ⲟⲩⲱⲛϩ̅ ⲉⲃⲟⲗ ⲙ̅ ⲡϫⲟⲉⲓⲥ ϩⲛ̅ ⲛⲉϥ‐ [ⲣ̅ⲝ̅ⲏ̅.ⲃ.] ⲛⲁ̅· ⲁⲩⲱ ⲛⲉϥϣⲡⲏⲣⲉ ⲛ̅ ⲛ̅ ⲛ̅ ϣⲏⲣⲉ ⲛ̅ ⲣ̅ ⲣⲱⲙⲉ ϫⲉ

por sus maravillas para con los hijos de los hombres, porque sació al alma hambrienta y al alma hambrienta la colmó de bienes; a los que moraban en tiniebla y sombra de muerte, aherrojados en pobreza y en hierro, por cuanto provocaron la palabra de Dios e irritaron el consejo del Altísimo. Su corazón fue humillado en sus fatigas; se debilitaron y no hubo quien los auxiliara. Clamaron al Señor cuando estaban atribulados, y él los libró de sus angustias, y los sacó de la tiniebla y de la sombra de muerte, y rompió sus ataduras. Confiesen al Señor por sus [f. 168b] misericordias y por sus maravillas para con los hijos de los hombres, porque

ⲁϥⲟⲩⲱϣϥ̅ ⲛ̅ ϩⲉⲛ ⲡⲩⲗⲏ ⲛ̅ ϩⲟⲙ̅ⲛ̅ⲧ̅· ⲁϥϩⲱⲣⲃ̅ ⲛ̅ ϩⲉⲛ ⲙⲟⲭⲗⲟⲥ ⲙ̅ ⲡⲉⲛⲓⲡⲉ· ⲁϥϣⲟⲡⲟⲩ ⲉ ⲣⲟϥ ϩⲛ̅ ⲧⲉ ϩⲓⲏ ⲛ̅ ⲧⲉⲩⲁⲛⲟⲙⲓⲁ· ⲛ̅ⲧ ⲁⲩⲑⲃ̅ⲃⲓⲟ ⲅⲁⲣ ⲉⲧⲃⲉ ⲛⲉⲩⲁ‐ ⲛⲟⲙⲓⲁ· ⲁ ⲡⲉⲩϩⲏⲧ ⲃⲉⲧ ϭⲓ ⲛ ⲟⲩⲱⲙ ⲛⲓⲙ· ⲁⲩϩⲱⲛ ⲉ ϩⲟⲩⲛ ⲉ ⲙ ⲡⲩⲗⲏ ⲙ̅ ⲡⲙⲟⲩ· ⲁⲩϫⲓ ϣⲕⲁⲕ ⲉ ϩⲣⲁⲓ̈ ⲉ ⲡϫⲟⲉⲓⲥ ϩⲙ̅ ⲡⲧⲣⲉⲩ ϩⲱϣ ⲁϥⲛⲁϩⲙⲟⲩ ⲉⲃⲟⲗ ϩⲛ̅ ⲛⲉⲩⲁⲛⲁⲅⲕⲏ· ⲁϥϫⲟⲟⲩ ⲙ̅ ⲡⲉϥϣⲁϫⲉ ⲁϥⲧⲁⲗϭⲟⲟⲩ· ⲁϥⲧⲟⲩϫⲟⲟⲩ ⲉⲃⲟⲗ ϩⲛ̅ ⲛⲉⲩϩⲓⲥⲉ· ⲙⲁⲣⲟⲩ ⲟⲩⲱⲛϩ̅

quebrantó puertas de bronce y despedazó cerrojos de hierro. Los acogió en el camino de su iniquidad, pues habían sido humillados a causa de sus iniquidades; su corazón aborreció todo alimento, y llegaron hasta las puertas de la muerte. Clamaron al Señor cuando estaban atribulados, y él los libró de sus angustias; envió su palabra y los sanó, y los salvó de sus tribulaciones. Confiesen

ⲉⲃⲟⲗ ⲙ̅ ⲡϫⲟⲉⲓⲥ ϩⲛ̅ ⲛⲉϥⲛⲁ̅· ⲁⲩⲱ ⲛⲉϥϣⲡⲏⲣⲉ ϩⲛ̅ ⲛ̅ ϣⲏⲣⲉ ⲛ̅ ⲣ̅ ⲣⲱⲙⲉ· ⲡⲁⲓ̈ ⲟⲩⲛ ϭⲉ ⲡⲁϫⲟⲉⲓⲥ ⲡⲉ ⲡⲃⲱⲗ ⲉⲃⲟⲗ ⲙ̅ ⲡϩⲩⲙⲛⲟⲥ ⲛ̅ⲧ ⲁⲥϫⲟⲟϥ ⲛ̅ϭⲓ ⲧⲥⲟⲫⲓⲁ· ⲥⲱⲧⲙ̅ ⲟⲩⲛ ⲡⲁϫⲟⲉⲓⲥ· ⲧⲁϫⲟⲟϥ ⲫⲁⲛⲉⲣⲱⲥ· ⲡϣⲁϫⲉ [ⲣ̅ⲝ̅ⲑ̅.ⲁ.] ⲙⲉ̅ ⲛ̅ⲧ ⲁϥϫⲟⲟϥ ⲛ̅ϭⲓ ⲇⲁⲩⲉⲓⲇ· ϫⲉ ⲟⲩⲱⲛϩ̅ ⲉⲃⲟⲗ ⲙ̅ ⲡϫⲟⲉⲓⲥ ϫⲉ ⲟⲩ ⲭⲣⲏⲥⲧⲟⲥ ⲡⲉ ϫⲉ ⲟⲩ ϣⲁ ⲉⲛⲉϩ ⲡⲉ ⲡⲉϥⲛⲁ̅· ⲛ̅ⲧⲟϥ ⲡⲉ ⲡϣⲁϫⲉ ⲉⲛⲧ ⲁⲥϫⲟⲟϥ ⲛ̅ϭⲓ ⲧⲥⲟ‐ ⲫⲓⲁ· ϫⲉ ϯⲛⲁⲟⲩⲱⲛϩ̅ ⲛⲁⲕ ⲉⲃⲟⲗ ⲡⲟⲩⲟⲉⲓⲛ ϫⲉ ⲛ̅ⲧⲕ̅

al Señor por sus misericordias y por sus maravillas para con los hijos de los hombres". Esta es, pues, Señor mío, la interpretación del himno que pronunció Sophia. Escucha, pues, Señor mío, para que lo diga abiertamente: la palabra [f. 169a] que dijo David: "Confiesen al Señor, porque es bueno, porque para siempre es su misericordia", es la palabra que dijo Sophia: "Te confesaré, oh Luz, porque tú eres

ⲟⲩ ⲥⲱⲧⲏⲣ ⲁⲩⲱ ⲛ̅ⲧⲕ̅ ⲟⲩ ⲣⲉϥⲥⲱⲧⲉ ⲛ̅ ⲟⲩⲟⲉⲓϣ ⲛⲓⲙ· ⲁⲩⲱ ⲡϣⲁϫⲉ ⲛ̅ⲧ ⲁϥϫⲟⲟϥ ⲛ̅ϭⲓ ⲇⲁⲩⲉⲓⲇ· ϫⲉ ⲙⲁⲣⲉ ⲛⲉⲛⲧ ⲁ ⲡϫⲟⲉⲓⲥ ⲥⲟⲧⲟⲩ ϫⲉ ⲡⲁⲓ̈· ⲁϥⲥⲟⲧⲟⲩ ⲉⲃⲟⲗ ϩⲛ̅ ⲧϭⲓϫ ⲛ̅ ⲛⲉⲩϫⲁϫⲉ· ⲛ̅ⲧⲟϥ ⲡⲉ ⲡϣⲁϫⲉ ⲉⲛⲧ ⲁⲥ‐ ϫⲟⲟϥ ⲛ̅ϭⲓ ⲧⲥⲟⲫⲓⲁ ϫⲉ ϯⲛⲁϫⲱ ⲙ̅ ⲡⲉⲉⲓ ϩⲩⲙⲛⲟⲥ ⲉ ⲡⲟⲩⲟⲉⲓⲛ ϫⲉ ⲁϥⲛⲟⲩϩⲙ̅ ⲙ̅ⲙⲟⲓ̈ ⲁⲩⲱ ⲁϥⲛⲁϩⲙⲉⲧ ⲉⲃⲟⲗ ϩⲛ̅ ⲧϭⲓϫ ⲛ̅ ⲛ̅ ⲁⲣⲭⲱⲛ ⲛⲁϫⲓϫⲉⲉⲩ· ⲙⲛ̅ ⲡ‐ⲕⲉ‐ ⲥⲉⲉⲡⲉ ⲙ̅ ⲯⲁⲗⲙⲟⲥ· ⲡⲁⲓ̈ ⲟⲩⲛ ⲡⲁϫⲟⲉⲓⲥ ⲡⲉ ⲡⲃⲱⲗ

Salvador y eres Redentor en todo tiempo". Y la palabra que dijo David: "Digan esto los redimidos por el Señor, a quienes él redimió de la mano de sus enemigos", es la palabra que dijo Sophia: "Pronunciaré este himno a la Luz, porque me ha salvado y me ha librado de la mano de los arcontes, mis enemigos", y el resto del salmo. Esta es, pues, Señor mío, la interpretación

ⲉⲃⲟⲗ ⲙ̅ ⲡϩⲩⲙⲛⲟⲥ ⲛ̅ⲧ ⲁⲥϫⲟⲟϥ ⲛ̅ϭⲓ ⲧⲥⲟⲫⲓⲁ ϩⲛ̅ ⲧⲙⲏⲧⲉ ⲙ̅ ⲡϫⲟⲩⲧⲁϥⲧⲉ ⲛ̅ ⲁϩⲟⲣⲁⲧⲟⲥ ⲉⲥⲟⲩⲱϣ ⲉ ⲧⲣⲉⲩ ⲉⲓⲙⲉ ⲉ ⲛⲉ ϣⲡⲏⲣⲉ ⲧⲏⲣⲟⲩ ⲉⲛⲧ ⲁⲓ̈ⲁⲁⲩ ⲛ̅ⲙ‐ [ⲣ̅ⲝ̅ⲑ̅.ⲁ.] ⲙⲁⲥ· ⲁⲩⲱ ⲁⲥⲟⲩⲱϣ ⲉ ⲧⲣⲉⲩ ⲉⲓⲙⲉ ϫⲉ ⲁⲕϯ ⲛ̅ ⲛⲉⲕ‐ ⲙⲩⲥⲧⲏⲣⲓⲟⲛ ⲙ̅ ⲡⲅⲉⲛⲟⲥ ⲛ̅ ⲧⲙⲛ̅ⲧⲣⲱⲙⲉ: ⲁⲥϣⲱⲡⲉ ϭⲉ ⲛ̅ⲧⲉⲣⲉ ⲓ̅ⲥ̅ ⲥⲱⲧⲙ̅ ⲉ ⲛⲉⲓ̈ ϣⲁϫⲉ. ⲉϥϫⲱ ⲙ̅ⲙⲟⲟⲩ ⲛ̅ϭⲓ ⲫⲓⲗⲓⲡⲡⲟⲥ ⲡⲉϫⲁϥ ϫⲉ ⲉⲩⲅⲉ ⲡⲙⲁⲕⲁⲣⲓⲟⲥ ⲫⲓⲗⲓⲡⲡⲟⲥ ⲡⲁⲓ̈ ⲡⲉ ⲡⲃⲱⲗ ⲉⲃⲟⲗ ⲙ̅ ⲡϩⲩⲙⲛⲟⲥ ⲉⲛⲧ ⲁⲥϫⲟⲟϥ ⲛ̅ϭⲓ ⲧⲥⲟⲫⲓⲁ· ⲁⲥϣⲱⲡⲉ ϭⲉ ⲟⲛ ⲙⲛ̅ⲛ̅ⲥⲁ ⲛⲁⲓ̈ ⲧⲏⲣⲟⲩ

del himno que pronunció Sophia en medio de los Veinticuatro Invisibles queriendo que conocieran todas las maravillas que yo había hecho con [f. 169b] ella, y queriendo que supieran que tú habías entregado tus misterios al linaje de la humanidad». Y aconteció que, cuando Jesús oyó estas palabras que decía Felipe, dijo: «¡Bien [Euge], bienaventurado Felipe! Esta es la interpretación del himno que pronunció Sophia». Y aconteció de nuevo, después de todas estas cosas,^✦

ⲁⲥⲉⲓ̅ ⲉ ⲑⲏ ⲛ̅ϭⲓ ⲙⲁⲣⲓϩⲁⲙ ⲁⲥϯ ⲟⲩⲱϣⲧ̅ ⲉ ⲛ ⲟⲩⲉⲣⲏⲧⲉ ⲛ̅ ⲓ̅ⲥ̅ ⲡⲉϫⲁⲥ ϫⲉ ⲡⲁϫⲟⲉⲓⲥ ⲙ̅ⲡⲣ̅ ϭⲱⲛⲧ̅ ⲉ ⲣⲟⲓ̈ ⲉⲓ̈‐ ϣⲓⲛⲉ ⲙ̅ⲙⲟⲕ· ϫⲉ ⲉⲛϣⲓⲛⲉ ⲛ̅ ⲥⲁ ϩⲱⲃ ⲛⲓⲙ ϩⲛ̅ ⲟⲩ ⲱⲣϫ̅ ⲙⲛ̅ ⲟⲩ ⲁⲥⲫⲁⲗⲓⲁ· ⲁⲕϫⲟⲟⲥ ⲅⲁⲣ ⲉ ⲣⲟⲛ ⲙ̅ ⲡⲓ ⲟⲩⲟⲉⲓϣ· ϫⲉ ϣⲓⲛⲉ ⲧⲁⲣⲉⲧⲛ̅ϭⲓⲛⲉ ⲁⲩⲱ ⲧⲱϩⲙ̅ ⲧⲁ‐ ⲣⲟⲩⲟⲩⲱⲛ ⲛⲏⲧⲛ̅ ϫⲉ ⲟⲩⲟⲛ ⲅⲁⲣ ⲛⲓⲙ ⲉⲧ ϣⲓⲛⲉ ϥⲛⲁϭⲓⲛⲉ· ⲁⲩⲱ ⲟⲩⲟⲛ ⲛⲓⲙ ⲉⲧ ⲧⲱϩⲙ ⲉ ϩⲟⲩⲛ· [ⲣ̅ⲟ̅.ⲁ.] ⲥⲉⲛⲁⲟⲩⲱⲛ ⲛⲁϥ· ⲧⲉ ⲛⲟⲩ ϭⲉ ⲡⲁϫⲟⲉⲓⲥ ⲛⲓⲙ ⲡⲉ‐ ϯⲛⲁϭⲛ̅ⲧϥ̅ ⲏ̅ ⲛⲓⲙ ⲡⲉⲧⲛ̅ⲛⲁⲧⲱϩⲙ̅ ⲉ ⲣⲟϥ· ⲏ̅ ⲛⲓⲙ

que se adelantó María, adoró los pies de Jesús y dijo: «Señor mío, no te enojes conmigo si te pregunto, porque indagamos todas las cosas con exactitud y certeza. Pues tú nos dijiste en otro tiempo: "Busquen y hallarán, y llamen y se les abrirá; porque todo el que busca hallará, y a todo el que llama hacia dentro [f. 170a] se le abrirá". Ahora pues, Señor mío, ¿a quién hallaré, o a quién llamaremos, o quién^✦

ⲛ̅ⲧⲟϥ ⲡⲉⲧⲉ ⲟⲩⲛ̅ ϣϭⲟⲙ ⲙ̅ⲙⲟϥ ⲉ ϫⲱ ⲉ ⲣⲟⲛ ⲛ̅ ⲧⲁⲡⲟⲫⲁⲥⲓⲥ ⲛ̅ ⲛ̅ ϣⲁϫⲉ ⲉ ⲧⲛ̅ⲛⲁϣⲛ̅ⲧⲕ̅ ⲉ ⲣⲟⲟⲩ· ⲏ̅ ⲛⲓⲙ ⲛ̅ⲧⲟϥ ⲡⲉ ⲉⲧ ⲥⲟⲟⲩⲛ ⲛ̅ ⲧϭⲟⲙ ⲛ̅ ⲛ̅ ϣⲁϫⲉ ⲧⲛ̅‐ ⲛⲁϣⲓⲛⲉ ⲛ̅ ⲥⲱⲟⲩ· ⲉⲃⲟⲗ ϫⲉ ϩⲛ̅ ⲟⲩ ⲛⲟⲩⲥ ⲁⲕϯ ⲛⲟⲩⲥ ⲛⲁⲛ ⲛ̅ⲧⲉ ⲡⲟⲩⲟⲉⲓⲛ· ⲁⲩⲱ ⲁⲕϯ ⲛⲁⲛ ⲛ̅ ⲟⲩ ⲁⲓⲥⲑⲏⲥⲓⲥ ⲙⲛ̅ ⲟⲩ ⲙⲉⲉⲩⲉ ⲉϥϫⲟⲥⲉ ⲉⲙⲁⲧⲉ· ⲉⲧⲃⲉ ⲡⲁⲓ̈ ⲟⲩⲛ ⲙⲛ̅ ⲗⲁⲁⲩ ⲉϥϣⲟⲟⲡ ϩⲙ̅ ⲡⲕⲟⲥⲙⲟⲥ ⲛ̅ⲧⲉ ⲧⲙⲛ̅ⲧ‐ ⲣⲱⲙⲉ· ⲟⲩⲇⲉ ⲉϥϣⲟⲟⲡ ϩⲙ̅ ⲡϫⲓⲥⲉ ⲛ̅ⲧⲉ ⲛ ⲁⲓⲱⲛ ⲉⲩⲛ̅

es el que tiene poder para decirnos la decisión [apófasis] de las palabras por las que te preguntaremos, o quién es el que conoce la potencia de las palabras que buscaremos? Porque en la mente [nous] nos has dado una mente de luz, y nos has dado un sentido [aísthesis] y un pensamiento sumamente excelso; por eso, pues, no hay nadie que exista en el mundo de la humanidad, ni que exista en la altura de los eones, que tenga

ϣϭⲟⲙ ⲙ̅ⲙⲟϥ ⲉ ϫⲱ ⲉ ⲣⲟⲛ ⲛ̅ ⲧⲁⲡⲟⲫⲁⲥⲓⲥ ⲛ̅ ⲛ̅ ϣⲁϫⲉ ⲉ ⲧⲛ̅ϣⲓⲛⲉ ⲛ̅ ⲥⲱⲟⲩ· ⲉⲓⲙⲏⲧⲓ ⲛ̅ⲧⲟⲕ ⲟⲩⲁⲁⲕ ⲡⲁⲓ̈ ⲉⲧ ⲥⲟⲟⲩⲛ̅ ⲙ̅ ⲡⲧⲏⲣϥ̅· ⲁⲩⲱ ⲉⲧ ϫⲏⲕ ⲉⲃⲟⲗ ϩⲙ̅ [ⲣ̅ⲟ̅.ⲃ.] ⲡⲧⲏⲣϥ̅· ⲉⲃⲟⲗ ϫⲉ ⲛ ⲉⲓ̈ϣⲓⲛⲉ ⲁⲛ ⲛ̅ ⲥⲁ ⲑⲉ ⲉⲧ ⲟⲩ‐ ϣⲓⲛⲉ ⲙ̅ⲙⲟⲥ ⲛ̅ϭⲓ ⲛ̅ ⲣⲱⲙⲉ ⲛ̅ⲧⲉ ⲡⲕⲟⲥⲙⲟⲥ. ⲁⲗⲗⲁ ⲉⲛϣⲓⲛⲉ ⲁⲛⲟⲛ ϩⲙ̅ ⲡⲥⲟⲟⲩⲛ̅ ⲛ̅ⲧⲉ ⲡϫⲓⲥⲉ ⲡⲁⲓ̈ ⲉⲛⲧ ⲁⲕⲧⲁⲁϥ ⲛⲁⲛ ⲁⲩⲱ ⲉⲛϣⲓⲛⲉ ⲟⲛ ϩⲙ̅ ⲡⲧⲩⲡⲟⲥ ⲛ̅ ⲧϭⲓⲛ ϣⲓⲛⲉ ⲉⲧ ⲟⲩⲟⲧⲃ̅·

poder para decirnos la decisión de las palabras que buscamos, sino tú solo, que conoces el Todo y eres perfecto en [f. 170b] el Todo; porque yo no pregunto del modo en que preguntan los hombres del mundo, sino que nosotros preguntamos en la gnosis de la altura que nos has dado, y preguntamos también según el modelo de la indagación excelente».